Բրազիլիայի հավաքականի բժիշկ․ Վիրահատությունից հետո Նեյմարը բաց կթողնի 2․5-3 ամիս
17:02 1 մարտի, 2018Ֆրանսիական ՊՍԺ-ի բրազիլացի հարձակվող Նեյմարը վիրահատությունից հետո բաց կթողնի 2․5-3 ամիս։ Այդ մասին հայտարարել է Բրազիլիայի հավաքականի բժիշկ Ռոդրիգո Լասմարը, որն այս շաբաթ վիրահատելու է 26-ամյա բրազիլացուն։
«Սպասվում է, որ Նեյմարի վերականգնման համար կպահանջվի 2․5-3 ամիս»,- Ռոդրիգո Լասմարի խոսքը մեջբերում է Football Espana-ն։
Իրադարձությունների այդպիսի զարգացման դեպքում, Նեյմարը բաց կթողնի մրցաշրջանի մնացած հատվածը եւ կարող է չմասնակցել նաեւ Ռուսաստանում կայանալիք ԱԱ-2018-ին։
Հիշեցնենք, որ բրազիլացի հարձակվողը ոտնաթաթի վնասվածք էր ստացել «Մարսելի» դեմ Ֆրանսիայի առաջնության 27-րդ տուրի խաղում (3։0), որում 77-րդ րոպեին դաշտը լքել էր պատգարակով։
Մարտի 6-ին ՊՍԺ-ն Չեմպիոնների լիգայի 1/8 եզրափակիչի պատասխան խաղում կընդունի Մադրիդի «Ռեալին»: Առաջին խաղում Արքայական ակումբը հաղթել է 3։1 հաշվով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.