Վնասվածքը Նադալին թույլ չի տվել խաղալ Ակապուլկոյի մրցաշարում

14:40   28 փետրվարի, 2018

Աշխարհի երկրորդ ռակետ Ռաֆայել Նադալը հրաժարվել է Մեքսիկայի Ակապուլկո քաղաքում մեկնարկած թենիսի ATP 500 շարքի մրցաշարի մասնակցությունից։ Իսպանացի թենիսիստը նման որոշում է կայացրել ազդրի վնասվածքի պատճառով, հայտնում է ATP-ի կայքը։

Այդ վնասվածքն իսպանացի թենիսիստին խանգարել էր նաեւ Australian Open-ի քառորդ եզրափակիչում, որում խորվաթ Մարին Չիլիչի դեմ մրցախաղում նա հրաժարվել էր պայքարից։

Ակապուլկոյի մրցաշարի առաջին շրջանում Նադալը փետրվարի 28-ին պետք է խաղար իսպանացի Ֆելիսիանո Լոպեսի հետ։ Նրան կփոխարինի ճապոնացի Տարո Դանիելը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։