Գերմանիայում երկրպագուները շարունակում են բողոքի ակցիաները Բունդեսլիգայում՝ երկուշաբթի օրն անցկացվող խաղերի կապակցությամբ։
Դորտմունդի «Բորուսիայի» եւ «Աուգսբուրգին» միջեւ Գերմանիայի առաջնության 24-րդ տուրի խաղին (1։1) ներկա է եղել 54 հազար 300 երկրպագու։ Դորտմունդի «Սիգնալ Իդունա Պարկ» ստադիոնը հյուրընկալում է 81 հազար երկրպագու եւ գրեթե միշտ լեփ-լեցուն է լինում։ «Բորուսիայի» 26 հազար երկրպագուներ բոյկոտել են խաղը եւ չեն գնացել ստադիոն, գրում է Bild-ը։
Հիշեցնենք, որ նախորդ տուրում բողոքի ակցիա էին անցկացրել նաեւ Ֆրանկֆուրտի «Այնտրախտի» ֆանատները, որոնք «ՌԲ Լայպցիգի» դեմ խաղում խաղադաշտ էին նետել թենիսի գնդակներ ու թղթեր։
Eurosport-ի հետ նոր պայմանագրով Բուդնեսլիգան փետրվար-մարտ ամիսներն 5-ական հանդիպում պետք է անցկացնի երկուշաբթի օրը։ Այդ փոփոխության շնորհիվ Բունդեսլիգայի եկամուտն ավելացել է 2 անգամ եւ առաջին անգամ գերազանցել է տարեկան մեկ միլիարդ եվրոն։
Die Zuschauerzahl. #bvbfca 1-0 pic.twitter.com/WBlrPl3xEj
— Borussia Dortmund (@BVB) February 26, 2018
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։