Երեւանի «Բանանցն» ունի բրազիլացի նորեկ
17:40 26 փետրվարի, 2018Երեւանի «Բանանցը» պայմանագիր է կնքել բրազիլացի հարձակվող Ֆագներ Սանթոս դա Պաիշաոյի հետ:
19-ամյա ֆուտբոլիստը հայկական թիմ է տեղափոխվել բրազիլական «Կոլորադո Ատլետիկոյից», հաղորդում է «Բանանցի» մամուլի ծառայությունը:
«Սանթոսը լավ որակներ ունեցող հեռանկարային ֆուտբոլիստ է: Փորձի պակաս ունի, որը կլրացնենք «Բանանցի» երկրորդ եւ առաջին թիմում խաղերով: Աչքի է ընկնում ոչ ստանդարտ գործողություններով, ինչը շատ կարեւոր է հարձակման գծում»,- նշել է «Բանանցի» գլխավոր մարզիչ Արամ Ոսկանյանը:
«Շատ ուրախ եմ այս հնարավորության համար: Պետք է առավելագույն ուժերս ներդնեմ մարզումների ժամանակ, որպեսզի արդարացնեմ մարզիչի սպասելիքները եւ օգնեմ, որպեսզի «Բանանցը» հաղթանակներ տանի»,- ասել է 19-ամյա ֆուտբոլիստը:
Սանթոսը «Բանանցին» էր միացել Անթալիայում անցկացված ուսումնամարզական հավաքի ժամանակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։