Լոնդոնի «Արսենալի» գերմանացի պաշտպան Պեր Մերտեզակերը գովել է անգլիական թիմի նորեկ, Հայաստանի հավաքականի ավագ Հենրիխ Մխիթարյանին:
«Ես ուրախ եմ, որ Մխիթարյանը միացել է մեզ: Նրա առաջին մրցելույթները «Արսենալում» տպավորիչ էին: Ինձ չի զարմացնում, որ նա արդեն դարձել է 5 գոլային փոխանցման հեղինակ: Նա լավ է տեսնում խաղադաշտը եւ ստեղծագործող է: Մխիթարյանը լավ բնավորությամբ գերազանց խաղացող է:
Թեեւ նա 29 տարեկան է, բայց ցանկանում է սովորել եւ հետաքրքրված է առաջընթացով: Հրաշալի է նրա հետ աշխատելը: Խոստումնալից է նրա համագործակցությունը Օզիլի հետ»,- Մերտեզակերի խոսքը մեջբերում է Evening Standard-ը:
Ֆոտո՝ twitter.com/mertesacker
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։