Գուտի. Եթե Նեյմարը ցանկանում է առաջադիմել, ապա մնում է միայն «Ռեալը»
10:45 23 փետրվարի, 2018Մադրիդի «Ռեալի» նախկին կիսապաշտպան Գուտին ֆրանսիական ՊՍԺ-ի եւ Բրազիլիայի հավաքականի հարձակվող Նեյմարին խորհուրդ է տվել տեղափոխվել Արքայական ակումբ, փոխանցում է AS-ը:
«Եթե Նեյմարը ցանկանում է առաջադիմել եւ բարձրացնել իր նշաձողը, ապա մնում է միայն «Ռեալ» տեղափոխվել: «Ռեալում» հիմա միակ անձեռնմխելին Ռոնալդուն է: Նա այդ կարգավիճակին արժանացել է իր նվաճումների շնորհիվ»,- ասել է Գուտին:
Սպասվում է, որ ամռանը «Ռեալից» կհեռանան ուելսցի Գարեթ Բեյլը եւ ֆրանսիացի Քարիմ Բենզեման:
Հիշեցնենք, որ Չեմպիոնների լիգայի 1/8 եզրափակիչի առաջին խաղում ՊՍԺ-ն Մադրիդում «Ռեալին» պարտվել է 1:3 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։