Մխիթարյան. Ես ավելի լավն եմ դառնում, երբ Օզիլի հետ եմ խաղում
22:10 22 փետրվարի, 2018Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանը դարձյալ դրվատանքով է խոսել ակումբակից Մեսութ Օզիլի մասին:
«Ես վայելում եմ Օզիլի հետ խաղը: Նա անհավանական ֆուտբոլիստ է: Ոմանք ասում են, թե մենք չենք կարող հաջող խաղալ միասին, բայց ես չեմ հասկանում, թե ինչու են նրանք այդպես կարծում: Ես ավելի լավն եմ դառնում, երբ խաղում եմ Մեսութի հետ: Ինչո՞ւ չի կարելի խաղադաշտում ունենալ երկու «10» համարների:
Շատ ուրախ եմ հանդես գալ «Արսենալում»: Երջանիկ եմ լինել այս թիմի ցուցադրած հարձակողական ֆուտբոլի մի մասը: Հարձակողական ոճի բոլոր խաղացողներն էլ ցանկանում են հարձակողական ֆուտբոլ դավանող թիմում հանդես գալ: Այսպիսի խաղի պայմաններում ես դառնում եմ ավելի արդյունավետ»,- Մխիթարյանի խոսքը մեջբերում է ESPN-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։