Հայաստանի ֆուտբոլի ֆեդերացիան շարունակում է աշխատանքները ռուսական «Տոսնո» թիմի դարպասապահ Դավիդ Յուրչենկոյին Հայաստան ազգային հավաքական հրավիրելու ուղղությամբ, հաղորդում է ffa.am-ը:
ՀՖՖ փոխնախագահ Աշոտ Մանուկյանը հանդիպել է Յուրչենկոյի հետ եւ կրկին ներկայացրել ֆեդերացիայի շահագրգռությունը տեսնել ֆուտբոլիստին Հայաստանի հավաքականում: Դավիդ Յուրչենկոն հավաստիացրել է, որ շատ է ցանկանում հանդես գալ ազգային հավաքականում, սակայն դեռեւս կան իր գործող պայմանագրի ավարտվելու, ինչպես նաեւ իրավական բնույթի այլ անորոշություններ, հետեւաբար կպահանջվի որոշակի ժամանակ եւ հետագա քննարկումներ իրեն ներկայացնող մասնագետների հետ:
Հայաստանի ֆուտբոլի ֆեդերացիան կշարունկի աշխատանքները եւ հույս ունի հարթել Յուրչենկոյի հետ կապված բոլոր խնդիրները:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։