Սերենա Ուիլյամս. Ծննդաբերությունից հետո 6 օր մահամերձ էի
19:48 21 փետրվարի, 2018Աշխարհի նախկին առաջին ռակետ, ամերիկացի թենիսիստուհի Սերենա Ուիլյամսը պատմել է, որ դստեր ծննդից հետո 6 օր եղել է մահամերձ վիճակում եւ միայն բժիշկների պրոֆեսիոնալ թիմի եւ ժամանակակից սարքավորումներով հիվանդանոցի շնորհիվ է ողջ մնացել:
«Ծննդաբերությունը լավ անցավ, սակայն հաջորդ վեց օրերը մղձավանջ էին: Ամեն ինչ սկսվեց թոքերի էմբոլիայից, որը հանգեցրեց լուրջ բարդացումների: Ուժեղ հազի պատճառով բացվեցին կեսարյան հատման կարերը: Բժիշկները որովայնիս մեջ հայտնաբերեցին մեծ հեմատոմա: Տրոմբն ամեն վայրկյան կարող էր հայտնվել թոքերիս մեջ:
Շատ շնորհակալ եմ, որ անհավանական պրոֆեսիոնալ բժշկական թիմի վերահսկողության տակ էի ամենաժամանակակից սարքավորումներով: Նրանք հստակ գիտեին՝ ինչպես հաղթահարել այդ ամենը: Եթե չլիներ նրանց պրոֆեսիոնալիզմը, ես հիմա ողջ չէի լինի»,- Սերենա Ուիլյամսի խոսքը մեջբերում է CNN-ը:
Ուիլյամսը մտադիր է կորտ վերադառնալ այս տարի: Նա հայտարարել է, որ կմասնակցի Ինդիան Ուելսի, Մայամիի, Մադրիդի, Հռոմի մրցաշարերին, Ֆրանսիայի եւ ԱՄՆ-ի բաց առաջնություններին, Ուիմբլդոնի մրցաշարին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։