Մեսին մրցաշրջանի վատագույն խաղն անցկացրեց հարվածների ցուցանիշով

«Բարսելոնայի» արգենտինացի հարձակվող Լիոնել Մեսին Լոնդոնի «Չելսիի» դեմ Չեմպիոնների լիգայի 1/8 եզրափակիչի առաջին խաղում դարպասի ուղղությամբ կատարել է ընդամենը մեկ հարված, որն ավարտվել է գոլով։

InStat-ի համաձայն՝ հարվածների ցուցանիշով դա այս մրցաշրջանում Մեսիի վատագույն հանդիպումն էր այն խաղերում, որոնցում նա դաշտում անցկացրել է 90 րոպե։

Իսպանիայի ընթացիկ առաջնությունում Մեսին մեկ խաղում միջինը կատարել է 5,6 հարված, իսկ Չեմպիոնների լիգայի խմբային փուլում՝ 5․7։

Հիշեցնենք, որ Լոնդոնում կայացած խաղն ավարտվել էր 1։1 հաշվով։ Պատասխան հանդիպումը տեղի կունենա մարտի 14-ին Բարսելոնայում։