Լոնդոնի «Չելսիի» ղեկավարությունը հրաժարվել է վաճառել հարձակվող Միշի Բատշուայիին Դորտմունդի «Բորուսիային», հաղորդում է skysports-ը: Անգլիական ակումբը մտադիր է ապագայում վերադարձնել 24-ամյա բելգիացի ֆուտբոլիստին, որը կես տարվա վարձակալությամբ է տեղափոխվել գերմանական ակումբ:
«Բորուսիան» պատրաստ է Բատշուայիին ներառել 19-ամյա ամերիկացի կիսապաշտպան Կրիստիան Պուլիշիչի վաճառքի գործարքում, սակայն «Չելսին» այդ առաջարկը եւս չի ցանկանում քննարկել:
24-ամյա Բատշուային 2016-ին էր «Չելսի» տեղափոխվել ֆրանսիական «Մարսելից», սակայն իտալացի Անտոնիո Կոնտեի գլխավորությամբ մշտական տեղ չուներ մեկնարկային կազմում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։