Իսպանական Պրիմերայի առաջատար «Բարսելոնան» մեկնել է Լոնդոն՝ Անգլիայի չեմպիոն «Չելսիի» դեմ Չեմպիոնների լիգայի 1/8 եզրափակիչի առաջին խաղին: Օդանավակայանում կատալոնական ակումբին եւ անձամբ արգենտինացի հարձակվող Լիոնել Մեսիին դիմավորել է Անգլիայի հավաքականի եւ «Բարսելոնայի» նախկին աստղ Գարի Լինեկերը, որն այժմ ֆուտբոլային փորձագետ է բրիտանական հեռուստատեսությունում:
57-ամյա Լինեկերը օդանավակայանում եղել է չորս որդիների հետ: Ինստագրամում նա գրել է, որ խոստումը կատարել է եւ վերջապես կազմակերպել է որդիների համար հանդիպում Մեսիի հետ:
«Չելսի» - «Բարսելոնա» հանդիպումը տեղի կունենա փետրվարի 20-ին եւ կմեկնարկի Երեւանի ժամանակով 23:45-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։