Հայնկես. «Բավարիան» պետք է լուրջ պատրաստվի «Բեշիկթաշի» դեմ խաղին
20:41 19 փետրվարի, 2018Թուրքական «Բեշիկթաշի» դեմ Չեմպիոնների լիգայի 1/8 եզրափակիչի առաջին խաղից առաջ Մյունխենի «Բավարիայի» գլխավոր մարզիչ Յուպ Հայնկեսը պատմել է սպասելիքների մասին:
«Ես դիտել եմ «Բեշիկթաշի» խաղը «ՌԲ Լայպցիգի» դեմ Չեմպիոնների լիգայի խմբային փուլում եւ շատ տպավորված եմ: Նրանք ունեն հետաքրքիր թիմ, եւ մենք պետք է լուրջ պատրաստվենք: Ես ուսումնասիրել եմ մրցակցին եւ կարող եմ ասել, որ նրանք ունենք բարձր մակարդակի փորձառու խաղացողներ եւ մարզիչ, որի ղեկավարությամբ ցուցադրում են լավ ֆուտբոլ: Զարմանալի չէ, որ «Բեշիկթաշը» խմբային փուլում հաղթել է բոլոր արտագնա հանդիպումներում: Հույս ունեմ, որ վաղը մենք կկարողանանք ցուցադրել մեր խաղը»,- Հայնկեսի խոսքը մեջբերում է ՈւԵՖԱ-ի մամուլի ծառայությունը:
«Բավարիա» - «Բեշիկթաշ» առաջին հանդիպումը տեղի կունենա փետրվարի 20-ին Մյունխենում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։