Ռոնալդուն «Ռեալին» խորհուրդ է տվել ձեռք բերել Հարի Քեյնին

Մադրիդի «Ռեալի» պորտուգալացի հարձակվող Կրիշտիանու Ռոնալդուն Արքայական ակումբի ղեկավարությանը խորհուրդ է տվել ձեռք բերել Լոնդոնի «Տոտենհեմի» անգլիացի ռմբարկու Հարի Քեյնին, գրում է Don Balon-ը։

Սպասվում է, որ ֆրանսիացի հարձակվող Քարիմ Բենզեման ամռանը հեռանալու է «Ռեալից»։

Ավելի լուրեր էին շրջանառվում, որ մադրիդցիները պատրաստ են 200 միլիոն եվրո առաջարկել 24-ամյա Քեյնի համար։ Անգլիացի հարձակվողը «Տոտենհեմում» խաղում է 2011/12 մրցաշրջանից, իսկ նրա գործող պայմանագիրը նախատեսված է մինչեւ 2022 թվականի ամառը։ Այս մրցաշրջանում Հարի Քեյնը բոլոր մրցաշարերում անցկացրել է 35 հանդիպում, դարձել 34 գոլի եւ 3 գոլային փոխանցման հեղինակ։