Նորայր Ասլանյանը Հոլանդիայում գոլ է խփել փոխարինման դուրս գալուց 3 րոպե հետո
10:55 18 փետրվարի, 2018Ֆուտբոլի Հոլանդիայի առաջին դիվիզիոնի 25-րդ տուրում «Էմմենը» տանը 5։2 հաշվով հաղթել է «Դե Գրաֆսհապին»։
Դաշտի տերերի 5-րդ գոլը հանդիպման վերջին րոպեին խփել է ֆուտբոլի Հայաստանի ազգային հավաքականի թեկնածու Նորայր Ասլանյանը, որն աչքի է ընկել փոխարինման դուրս գալուց 3 րոպե հետո։ Դա 26-ամյա կիսապաշտպանի առաջին գոլն էր «Էմմենի» գլխավոր թիմ վերադառնալուց հետո։
Հիշեցնենք, որ Նորայր Ասլանյանը նախորդ տարվա վերջնամասում Երեւանի «Ալաշկերտից» էր տեղափոխվել հոլանդական ակումբ: Կարիերայի ընթացքում նա հանդես է եկել նաեւ հոլանդական «Գրոնինգենում», «Զվոլեում», «Էմմենում», «Վիլլեմ Երկրորդում», «Ալմերե Սիթիում», «Թելսթարում»: Հայաստանի հավաքականում Ասլանյանը մասնակցել է 8 հանդիպման:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։