Եվրոպայի լիգա․ Հենրիխ Մխիթարյանը հավակնում է խաղի լավագույն ֆուտբոլիստի կոչմանը

13:42   16 փետրվարի, 2018

Լոնդոնի «Արսենալի» պաշտոնական կայքը քվեարկություն է անցկացնում շվեդական «Էստերսունդի» դեմ Եվրոպայի լիգայի 1/16 եզրափակիչի առաջին խաղի լավագույն ֆուտբոլիստին որոշելու համար։

3 թեկնածուների թվում է նաեւ 2 գոլային փոխանցման հեղինակ դարձած Հենրիխ Մխիթարյանը։ Հայաստանի հավաքականի կիսապաշտպանից բացի, հավակնորդների թվում են նաեւ գոլի հեղինակ դարձած գերմանացի կիսապաշտպան Մեսութ Օզիլն ու իսպանացի պաշտպան Նաչո Մոնրեալը։

Հիշեցնենք, որ Շվեդիայում կայացած խաղում «Արսենալը» հաղթել էր 3։0 հաշվով, իսկ Մխիթարյանը մեկնարկային կազմում հանդես էր եկել 84 րոպե։  Պատասխան հանդիպումը տեղի կունենա փետրվարի 22-ին Լոնդոնում։

Ֆոտո՝ twitter.com/Arsenal

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։