Մադրիդի «Ռեալի» պորտուգալացի հարձակվող Կրիշտիանու Ռոնալդուն, դուբլի հեղինակ դառնալով ֆրանսիական ՊՍԺ-ի դեմ Չեմպիոնների լիգայի 1/8 եզրափակիչի առաջին խաղում, այդ մրցաշարում գոլերի քանակը հասցրել է 116-ի։
33-ամյա Ռոնալդուն 101 գոլ խփել է «Ռեալի» կազմում, եւս 15 անգամ աչքի ընկել անգլիական «Մանչեսթեր Յունայթեդի» մարզաշապիկով։
Չեմպիոնների լիգայի հիմնական մրցաշարին մասնակցած ակումբներից միայն 16-ն են խփել ավելի շատ գոլ, քան պորտուգալացին, իսկ 117 թիմեր աչքի են ընկել նրանից քիչ, հայտնում է Sky Sports-ը։
Հիշեցնենք, որ Պորտուգալիայի հավաքականի ավագը Չեմպիոնների լիգայի պատմության մեջ առաջին ֆուտբոլիստն է, որը մեկ թիմի կազմում խփում է 100 եւ ավելի գոլ։
Մադրիդում կայացած խաղում Արքայական ակումբը հաղթել էր 3։1 հաշվով։ «Ռեալի» ու ՊՍԺ-ի միջեւ պատասխան հանդիպումը կկայանա մարտի 6-ին Փարիզում։
Ֆոտո՝ twitter.com/realmadrid
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։