Անպարտելի Արսեն Գուլամիրյանը կմենամարտի WBA Regular տիտղոսի համար
20:14 15 փետրվարի, 2018Ֆրանսիայում բնակվող 30-ամյա Արսեն Գուլամիրյանը պրոֆեսիոնալ բռնցքամարտի առաջին ծանր քաշային կարգում WBA Regular տիտղոսի համար կմենամարտի կոտդիվուարցի Ռիյադ Մերհիի հետ, որը ներկայացնում է Բելգիան:
Այս գոտին պատկանում էր կուբացի Յունիեր Դորտիկոսին, որը պարտվել է ռուսաստանցի Մուրատ Գասիեւին: WBA-ի կանոններով տիտղոսը չէր կարող բաժին հասնել Գասիեւին, քանի որ նա ուներ IBF-ի տիտղոս, գրում է sovsport-ը:
Գուլամիրյանն ու Մերհին WBA-ի վարկանիշային աղյուսակում զբաղեցնում են առաջին եւ երկրորդ տեղերը համապատասխանաբար: Այս դիմակայության հաղթողը 120 օրում պետք է մենամարտի վարկանիշային աղյուսակի երրորդ տեղը զբաղեցնող ռուսաստանցի Մաքսիմ Վլասովի հետ:
Պրոֆեսիոնալ ռինգում 22 մենամարտ անցկացրած Արսեն Գուլամիրյանը շարունակում է անպարտելի մնալ: 22 հաղթանակներից 14-ում նա առավելության է հասել նոկաուտով:
Հիշեցնենք, որ Արսեն Գուլամիրյանը Լոնդոնի Օլիմպիական խաղերում Ֆրանսիայի հավաքականի 90 կգ քաշային կարգում ուղեգիր նվաճած միակ օլիմպիականն էր, սակայն չէր մասնակցել Օլիմպիական խաղերին: Նա նաեւ երեք անգամ դարձել է Ֆրանսիայի մինչեւ 18 տարեկանների չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։