ՀԱՕԿ–ի գործկոմը կքննարկի օլիմպիական Աշոտ Կարապետյանին առանց համապատասխան մարզագույքի թողնելու հարցը
18:48 15 փետրվարի, 2018Փհենչհանի 23-րդ ձմեռային Օլիմպիական խաղերին մասնակցող լեռնադահուկորդ Աշոտ Կարապետյանի մարզագույքի խնդիրը լուծված է: Մարզիկն անցել է լիարժեք մարզումների:
Հայաստանի օլիմպիական հավաքականի վերադառնալուց հետո Հայաստանի ազգային օլիմպիական կոմիտեի նախագահ Գագիկ Ծառուկյանի գլխավորությամբ կհրավիրվի ՀԱՕԿ-ի գործկոմի նիստ՝ ստեղծված իրավիճակի պատճառները վերհանելու, եւ եթե կան մեղավորներ, նրանց պատասխանատվության ենթարկելու համար, հաղորդում է ՀԱՕԿ լրատվականը:
Գործկոմի նիստին կհրավիրվեն նաեւ լրատվամիջոցների ներկայացուցիչներ:
Հիշեցնենք, որ ավելի վաղ Աշոտ Կարապետյանը NEWS.am Sport-ի թղթակցին Փհենչհանից հայտնել էր, որ Օլիմպիական խաղերի համար նոր մարզագույք չի ստացել, չունի դահուկներ ու կոշիկ եւ կարող է հանդես չգալ Օլիմպիական խաղերում, քանի որ դեռ չի մարզվում։ Հայ մարզիկը մրցավայր էր մեկնել ընկերոջ դահուկներով, որոնք Փհենչհանում կոտրվել էին մարզման ժամանակ։
Աշոտ Կարապետյանը Հայաստանի վերջին ներկայացուցիչն է Փհենչհան-2018-ում եւ հանդես կգա հսկա ոլորավայրէջքում (փետրվարի 18) եւ հատուկ ոլորավայրէջքում (փետրվարի 22):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.