«Չելսիի» դեմ խաղում գլխի վնասվածք ստացած Մեյսոնը 26 տարեկանում ավարտել է կարիերան
16:02 13 փետրվարի, 2018«Հալ Սիթիի» անգլիացի կիսապաշտպան Ռայան Մեյսոնը որոշել է ավարտել կարիերան, հայտնում է ակումբի կայքը:
26-ամյա ֆուտբոլիստը 2017-ի հունվարի 22-ին կայացած Լոնդոնի «Չելսիի» դեմ Անգլիայի առաջնության խաղում ստացել էր գանգոսկրի կոտրվածք, ինչի հետեւանքով վիրահատվել էր: Այդ հանդիպման 12-րդ րոպեին Մեյսոնը մրցակցի տուգանային հրապարակում գլխով բախվել էր «Չելսիի» պաշտպան Գերի Կեհիլի գլխին: Կիսապաշտպանին մոտ 5 րոպե բուժօգնություն էին ցուցաբերել խաղադաշտում, ինչից հետո նրան դուրս էին բերել պատգարակով եւ թթվածնային դիմակով:
Ռայան Մեյսոնը 2016-ին Լոնդոնի «Տոտենհեմից» էր տեղափոխվել «Հալ Սիթի»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։