Փհենչհան-2018-ում գրանցվել է դոպինգ թեստի առաջին դրական պատասխանը

16:36   13 փետրվարի, 2018

Ճապոնացի Կեյ Սայտոն զրկվել է Հարավային Կորեայի Փհենչհան քաղաքում անցկացվող 23-րդ ձմեռային Օլիմպիական խաղերի շորթ-տրեկի մրցաշարին մասնակցելու իրավունքից, քանի որ նրա դոպինգ թեստի պատասխանը դրական է եղել, հայտնում է BBC-ն:

Սայտոն առաջին մարզիկն է, որի մոտ արգելված խթանիչներ է հայտնաբերվում Փհենչհան-2018-ում: Նրա դոպինգ թեստում հայտնաբերվել է դիուրետիկ (միզամուղ դեղամիջոցներ): Շորթ-տրեկի 5000 մետրի փոխանցումավազքում Կեյ Սայտոն պետք է լիներ Ճապոնիայի թիմի պահեստայինը:

21-ամյա մարզիկն արդեն հեռացել է օլիմպիական ավանից: Նա չի կարող հանդես գալ ինչպես Փհենչհան-2018-ում, այնպես էլ ISU-ի հովանու տակ անցկացվող մյուս մրցաշարերում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։