«Ալաշկերտը» 1.5 տարվա պայմանագիր է ստորագրել սերբ դարպասապահ Օգնյեն Չանչարեւիչի հետ, որի ծառայություններով վաղուց էր հետաքրքրված, հայտնում է ակումբի կայքը:
28-ամյա դարպասապահն ամբողջ կարիերայի ընթացքում հանդես է եկել հայրենիքում` խաղալով Բարձրագույն խմբի «Ռադնիչկի», «Սլոբոդա», ՕՖԿ, «Մլադոստ» թիմերում:
Չանչարեւիչի նախորդ ակումբը Սերբիայի Սուպերլիգան ներկայացնող «Ռադնիկն» էր, որի կազմում նա ընթացիկ առաջնությունում մասնակցել է 21 հանդիպման:
Դարպասապահը 142 հանդիպում է անցկացրել Սերբիայի Բարձրագույն խմբի առաջնությունում, իսկ նախորդ տարվա հունվարին ԱՄՆ-ի հավաքականի հետ ընկերական խաղի համար հրավիրվել էր Սերբիայի ազգային հավաքական:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։