Ֆուտբոլի Հայաստանի չեմպիոն Երեւանի «Ալաշկերտը» 1.5 տարով երկարաձգեց պայմանագիրը Հայաստանի ազգային հավաքականի կիսապաշտպան Արտյոմ Սիմոնյանի հետ, հաղորդում է ակումբի մամուլիծառայությունը:
22-ամյա ֆուտբոլիստն արդեն միացել է «Ալաշկերտին» եւ մասնակցում է Բելեկում ընթացող երկրորդ ուսումնամարզական հավաքին:
Արտյոմ Սիմոնյանը «Ալաշկերտի» կազմը համալրել էր ամառային տրանսֆերային պատուհանի ժամանակ:
Բելեկում «Ալաշկերտը» կշարունակի նոր ֆուտբոլիստների փորձարկումները: Թիմին կմիանան 5 օտարերկրացի ֆուտբոլիստներ` այդ թվում 3 բրազիլացիներ:
Հավանական է, որ նորեկներին փորձարկելու նպատակով «Ալաշկերտը» նախատեսված 3 ստուգողական հանդիպումների փոխարեն անցկացնի 6 խաղ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։