Mickipedia՝ Հենրիխ Մխիթարյանից
10:16 10 փետրվարի, 2018Լոնդոնի «Արսենալի» մամուլի ծառայությունը որոշել է ստուգել Վիկիպեդիայում Հայաստանի հավաքականի կիսապաշտպան Հենրիխ Մխիթարյանի մասին նշված մի քանի տվյալներ:
Անգլիական ակումբի նորեկը հաստատել է, որ մայրն աշխատում է Հայաստանի ֆուտբոլի ֆեդերացիայում, քույրը՝ ՈւԵՖԱ-ում, 13 տարեկանում մասնակցել է Բրազիլիայի Սան Պաուլու քաղաքում կազմակերպված ֆուտբոլային ճամբարին եւ ծանոթացել է Էրնանեսի եւ Անդերսոնի հետ: Մխիթարյանը հերքել է, թե ցանկացել է դառնալ արագավազորդ, 2010-ին չի ճանաչվել Հայաստանի լավագույն ֆուտբոլիստ, քանի որ այդ տարի տեղի է ունեցել կանոնների փոփոխություն եւ ընտրությունը կատարվել է Հայաստանում հանդես եկող խաղացողներից: Մխիթարյանի մանկության երազանքներից է եղել դառնալ փաստաբան: Նա չի բացառել, որ ֆուտբոլային կարիերան ավարտելուց հետո կարող է իրականացնել այդ երազանքը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։