Հարավային Կորեայի նախագահը ձմեռային Օլիմպիական խաղերը հայտարարեց բացված
16:52 9 փետրվարի, 2018Հարավային Կորեայի նախագահ Մուն Դժե Ինը Փհենչհան քաղաքում անցկացվող 23-րդ ձմեռային Օլիմպիական խաղերը պաշտոնապես հայտարարեց բացված:
Փհենչհան-2018-ի բացման հանդիսավոր արարողությունից ու օլիմպիական շքերթից հետո տեղի ունեցավ պաշտոնական անձանց մասնակցությամբ արարողությունը: Նախ ելույթ ունեցավ Միջազգային օլիմպիական կոմիտեի (ՄՕԿ) նախագահ Թոմաս Բախը, իսկ հետո Մուն Դժե Ինը Խաղերը հայտարարեց բացված:
Դրանից հետո նաեւ վառվեց օլիմպիական ջահը: Խաղերի գլխավոր ջահը բոցավառեց գեղասահքի կանանց օլիմպիական չեմպիոն Կիմ Յոն Անը: Օլիմպիական կրակի՝ 100 օր տեւած փոխանցումավազքին մասնակցեց 7500 մարդ, իսկ ջահն անցավ 2018 կմ:
Հայաստանը Փհենչհան-2018-ում ունի 3 ներկայացուցիչ՝ դահուկորդներ Միքայել Միքայելյանը, Կատյա Գալստյանը եւ լեռնադահուկորդ Աշոտ Կարապետյանը: Կատյա Գալստյանը մասնակցել էր նաեւ Սոչի-2014 Օլիմպիական խաղերին: Հայ մարզիկները պայքարի մեջ կմտնեն փետրվարի 13-ին: Առաջինը հանդես կգան Միքայել Միքայելյանը եւ Կատյա Գալստյանը:
Փհենչհան-2018-ում 15 մարզաձեւերում կվիճարկվի մեդալների 102 հավաքածու:
Ֆոտո՝ twitter.com/ap
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.