ՕԽ-2018-ը մեկնարկեց ռեկորդով. 8 ձմեռային Խաղերի մասնակից առաջին օլիմպիականը
22:14 8 փետրվարի, 2018Հարավային Կորեայի Փհենչհան քաղաքում բացման հանդիսավոր արարողությունից մեկ օր առաջ մեկնարկել է 23-րդ ձմեռային Օլիմպիական խաղերի մրցումները: 45-ամյա ճապոնացի դահուկացատկորդ Նորիակի Կասաին, մեկնարկելով որակավորման մրցաշարում, դարձավ պատմության մեջ առաջին մարզիկը, որը մասնակցում է 8 ձմեռային Օլիմպիական խաղերի: Նորամուտը Խաղերում Կասաին նշել է դեռ 1992թ. Ալբերվիլի Օլիմպիական խաղերում: Նա նվաճել է երկու արծաթե եւ մեկ բրոնզե մեդալ:
Դահուկային ոստնակացատկից բացի, փետրվարի 8-ին մեկնարկել է նաեւ քյորլինգի մրցաշարը:
23-րդ ձմեռային Օլիմպիական խաղերի բացումը տեղի կունենա փետրվարի 9-ին Փհենչհանի Օլիմպիական ստադիոնում եւ կմեկնարկի Երեւանի ժամանակով 15:00-ին:
Հայաստանի ներկայացուցիչների մրցելույթների ժամանակացույցը
Կատյա Գալստյան - սպրինտ, փետրվարի 13, ժամը 12:30-ին (Երեւանի ժամանակով)
Միքայել Միքայելյան - սպրինտ, փետրվարի 13, ժամը 13:05
Կատյա Գալստյան - 10 կմ ազատ ոճ, փետրվարի 15, ժամը 10:30
Միքայել Միքայելյան - 15 կմ ազատ ոճ, փետրվարի 16, ժամը 10:00
Աշոտ Կարապետյան - հսկա ոլորավայրէջք, փետրվարի 18, ժամը 05:15
Աշոտ Կարապետյան - հատուկ ոլորավայրէջք, փետրվարի 22, ժամը 05:15
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.