Երեւանի «Ալաշկերտը» 1.5 տարվա պայմանագիր է կնքել Հայաստանի ազգային հավաքականի կիսապաշտպան Դավիթ Մանոյանի հետ, որը փետրվարի 8-ին առաջին մարզումն է անցկացրել Հայաստանի չեմպիոնի կազմում, հայտնում է ակումբի կայքը։
27-ամյա ֆուտբոլիստի նախորդ ակումբը Կիպրոսի Բարձրագույն խմբի առաջնությունում հանդես եկող «Նեա Սալամինան» էր: Մանոյանը 2017-ին «Նեա Սալամինա» տեղափոխվել էր կիպրոսյան «Կարմիոտիսայից», որին միացել էր 2016-ին։
Մինչեւ Կիպրոս տեղափոխվելը կիսապաշտպանը հանդես է եկել նաեւ Երեւանի «Փյունիկում»։ Հայաստանի ազգային հավաքականի կազմում Դավիթ Մանոյանն անցկացրել է 26 հանդիպում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։