Հայաստանի հավաքականի շախմատիստները կմասնակցեն Aeroflot open-ին

14:44   8 փետրվարի, 2018

Մոսկվայում փետրվարի 19-ից մարտի 2-ը կայանալիք Aeroflot open շախմատային փառատոնին կմասնակցեն Հայաստանի մի շարք ներկայացուցիչներ:

Գլխավոր՝ A մրցաշարում հանդես կգան Հայաստանի ազգային հավաքականի անդամներ Գաբրիել Սարգսյանը եւ Հայկ Մարտիրոսյանը, գրոսմայստերներ Մանուել Պետրոսյանը, Արման Միքայելյանը ու միջազգային վարպետներ Արամ Հակոբյանը եւ Շանթ Սարգսյանը:

B մրցաշարին կմասնակցեն Տիգրան Հարությունյանը, Հովիկ Հայրապետյանը, Տիգրան Քոթանջյանը, Դավիթ Միրզոյանը եւ Հովհաննես Հակոբյանը:

C մրցաշարին այս պահին Հայաստանից գրանցվել է միայն մեկ մասնակից՝ Մարկ Բասենցյանը:

A մրցաշարին կարող են մասնակցել 2549 եւ ավելի գործակից ունեցող շախմատիստները, B մրցաշարին՝ 2299-2550 վարկանիշ ունեցողները, իսկ C մրցաշարին՝ մինչեւ 2300 վարկանիշ ունեցողները, հայտնում են Հայաստաի շախմատային ֆեդերացիայից:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։