Բասկետբոլի ազգային ասոցիացիայի (NBA) կանոնավոր առաջնության հերթական տուրում «Քլիվլենդը» լրացուցիչ ժամանակում 2 միավորի առավելությամբ հաղթել է «Մինեսոտային»՝ 140:138:
Հանդիպման ամենաարդյունավետ բասկետբոլիստ է ճանաչվել «Քլիվլենդի» առաջատար Լեբրոն Ջեյմսը, որը վաստակել է 37 միավոր եւ դարձել նաեւ թրիփլ-դաբլի հեղինակ:
Այդ խաղում գրանցվել է 40 դիպուկ 3 միավորանոց նետում, ինչը ռեկորդ է NBA-ում: 21 դիպուկ 3 միավորանոց նետում կատարել է «Քլիվլենդը», 19 նետում՝ «Մինեսոտան»:
Խաղային օրվանից հետո NBA-ի պաշտոնական ալիքը ներկայացրել է լավագույն դրվագների հնգյակը, որը գլխավորում է Լեբրոն Ջեյմսի հաղթական նետումը վերջին վայրկյանին: Ընդ որում՝ այդ նետումից վայրկյաններ առաջ Լեբրոնը հրաշալի բլոք-շոթով «Մինեսոտայի» խաղացող Ջիմի Բաթլերին թույլ չի տվել գրավել զամբյուղը 138:138 հաշվի ժամանակ:
NBA, կանոնավոր առաջնություն
«Դետրոյտ» – «Բրուքլին»՝ 115:106 (26:21, 27:29, 26:23, 36:33)
«Մեմֆիս» – «Յուտա»՝ 88:92 (16:21, 23:23, 24:24, 25:24)
«Մայամի» – «Հյուսթոն»՝ 101:109 (24:35, 33:26, 23:22, 21:26)
«Ֆինիքս» – «Սան Անտոնիո»՝ 81:129 (9:28, 22:41, 19:28, 31:32)
«Քլիվլենդ» – «Մինեսոտա»՝ 140:138 (լրացուցիչ ժամանակում) (31:29, 33:37, 37:33, 28:30, 11:9)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։