Գերմանիայի Գավաթի մրցավարը խաղի ժամանակ կերել է երկրպագուների նետած կոնֆետը

11:14   8 փետրվարի, 2018

Ուշագրավ միջադեպ է գրանցվել Ֆրանկֆուրտի «Այնտրախտի» եւ «Մայնցի» միջեւ ֆուտբոլի Գերմանիայի գավաթի խաղարկության քառորդ եզրափակիչի խաղում:

Ֆրանկֆուրտում կայացած հանդիպման ընթացքում «Մայնցի» երկրպագուները խաղադաշտ են նետել տարբեր առարկաներ, այդ թվում՝ կոնֆետներ: Խաղի գլխավոր մրցավար Դենիզ Այտեկինը վերցրել է կոնֆետներից մեկը եւ կերել այն: Գերմանացի մրցավարը նույնն անել առաջարկել է նաեւ «Մայնցի» հոլանդացի կիսապաշտպան Նայջել Դե Յոնգին:

Հիշեցնենք, որ այդ խաղում «Այնտրախտը» հաղթել էր 3:0 հաշվով եւ դուրս եկել կիսաեզրափակիչ: Քառորդ եզրափակիչի արգելքը հաղթահարել են նաեւ «Բավարիան», «Բայերը» եւ «Շալկեն»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։