Հայաստանի հավաքականի ու Ստամբուլի «Բեշիկթաշի» կիսապաշտպան Արաս Օզբիլիսը վարձավճարով տեղափոխվել է ֆուտբոլի Մոլդովայի 17-ակի չեմպիոն Տիրասպոլի «Շերիֆ», հայտնում է ակումբի կայքը։
27-ամյա ֆուտբոլիստը միացել է թուրքական Բելեկում հավաք անցկացնող մոլդովական ակումբին եւ կնքել պայմանագիր։
Օզբիլիսն արդեն ծանոթացել է «Շերիֆի» ֆուտբոլիստների ու մարզչական շտաբի հետ, իսկ փետրվարի 7-ի երեկոյան կանցկացնի առաջին մարզումը։
Հիշեցնենք, որ Արաս Օզբիլիսը 2016-ին Մոսկվայի «Սպարտակից» էր տեղափոխվել «Բեշիկթաշ», որի գլխավոր թիմում հազվադեպ էր խաղում: Նախկինում նա հանդես է եկել նաեւ Ամստերդամի «Այաքում», Կրասնոդարի «Կուբանում» ու իսպանական «Ռայո Վալեկանոյում»։ Վերջերս լուրեր էին շրջանառվում, որ նա մոտ է ղազախական «Ակտոբե» տեղափոխվելուն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։