«Սուոնսիի» նախկին գլխավոր մարզիչ Պոլ Կլեմենտը (մարզիչ է եղել նաեւ Մադրիդի «Ռեալում», ֆրանսիական ՊՍԺ-ում եւ Մյունխենի «Բավարիայում») մեկնաբանել է Լոնդոնի «Արսենալի» նորեկների առաջին մրցելույթը, սակայն նշել է գերմանացի կիսապաշտպան Մեսութ Օզիլի կարեւորությունը:
«Ընդամենը մեկ հանդիպում է անցել, բայց Մխիթարյանն ու Օբամեյանգն արդեն գերազանց են դրսեւորվել: Բայց ես համարում եմ, որ «Արսենալի» լավագույն ձեռքբերումը Մեսութ Օզիլի պայմանագրի երկարաձգումն է: Ես աշխատել եմ նրա հետ «Ռեալում»: Նա ֆանտաստիկ տաղանդավոր խաղացող է»,- Կլեմենտի խոսքը մեջբերում է Metro-ն:
Հիշեցնենք, որ Մխիթարյանի եւ Օբամեյանգի գալուց հետո Օզիլը երեք տարով երկարաձգեց պայմանագիրը, որն ավարտվելու էր ամռանը:
Ֆոտո՝ twitter.com/Arsenal
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։