ՄՕԿ-ը հրաժարվել է Օլիմպիական խաղերին հրավիրել CAS-ի կողմից արդարացված 15 ռուս մարզիկների

13:05   5 փետրվարի, 2018

Միջազգային օլիմպիական կոմիտեն (ՄՕԿ) հրաժարվել է Փհենչհանի ձմեռային Օլիմպիական խաղերին հրավիրել 15 ռուսաստանցի մարզիկների, որոնց բողոքարկումները վերջերս բավարարվել էին Մարզական վճռաբեկ դատարանի (CAS) կողմից:

ՄՕԿ-ի հայտարարության մեջ ասվում է, որ CAS-ի որոշումն չի հանել այդ մարզիկների նկատմամբ դոպինգի օգտագործման կասկածները, փոխանցում է ՄՕԿ-ի կայքը:

Ավելի  վաղ ՄՕԿ-ն իր հիասթափությունն էր հայտնել Վճռաբեկ դատարանի որոշման վերաբերյալ՝ 28 ռուս օլիմպիականներին արդարացնելու առթիվ: ՄՕԿ–ը մտադիր էր այդ որոշումը վիճարկել Շվեյցարիայի Դաշնային դատարանում, սակայն CAS–ի որոշումը սպորտում համարվում է վերջնական եւ անվիճելի։

Ֆոտո՝ twitter.com/rianru

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։