«Արսենալի» տպավորիչ հաղթանակը, Մխիթարյանի 3 գոլային փոխանցումները
23:19 3 փետրվարի, 2018Անգլիայի առաջնության 26-րդ տուրում տպավորիչ հաղթանակ տարավ «Արսենալը»: Ֆրանսիացի Արսեն Վենգերի գլխավորած թիմը 5:1 հաշվով պարտության մատնեց Լիվերպուլի «Էվերտոնին»:
Լոնդոնյան թիմի մեկնարկային կազմում նորամուտը նշեց Հայաստանի հավաքականի կիսապաշտպան Հենրիխ Մխիթարյանը, որը կատարեց երեք գոլային փոխանցում:
Դրանցից մեկից հետո առաջին գոլը «Արսենալում» խփեց Դորտմունդի «Բորուսիայից» Մխիթարյանի նախկին թիմակից, գաբոնցի հարձակվող Պյեր-Էմերիկ Օբամեյանգը, որը նորամուտը նշեց անգլիական ակումբում:
Հեթ-տրիկի հեղինակ դարձավ ուելսցի կիսապաշտպան Աարոն Ռեմսին: Աչքի ընկավ նաեւ ֆրանսիացի պաշտպան Լորան Կոսելնին: Մխիթարյանն ու Օբամեյանգը չփոխարինվեցին:
«Արսենալը» 45 միավորով 6-րդ տեղում է եւ մեկ հանդիպում քիչ անցկացրած «Տոտենհեմից» հետ է 3 միավոր: «Էվերտոնը» 31 միավորով 10-րդ տեղում է:
Անգլիայի առաջնություն, 26-րդ տուր
«Արսենալ» - «Էվերտոն»՝ 5:1
Աարոն Ռեմսի, 6, 19, 74, Լորան Կոսելնի, 14, Պյեր-Էմերիկ Օբամեյանգ, 37 – Դոմինիկ Կալվերտ-Լյուին, 64
Ֆոտո՝ twitter.com/Arsenal
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.