«Տոտենհեմը» պատրաստ է վաճառել Հարի Քեյնին Մադրիդի «Ռեալին»

19:39   3 փետրվարի, 2018

Լոնդոնի «Տոտենհեմի» նախագահ Դենիել Լեւին չի խոչընդոտի թիմի անգլիացի հարձակվող Հարի Քեյնի տեղափոխությանը Մադրիդի «Ռեալը»: Անգլիական ակումբի ղեկավարությունն ընդունել է Արքայական ակումբի արած 200 միլիոն եվրոյի առաջարկը, հաղորդում է Mundo Deportivo-ն:

Նախքան այս, «Տոտենհեմը» Հարի Քեյնի տրանսֆերի համար պահանջում էր 226 միլիոն եվրո: Սպասվում է, որ գործարքը տեղի կունենա այս ամռանը:

«Տոտենհեմը» նաեւ պահանջել է ֆուտբոլիստի հետ չվարել առանձին բանակցություններ: Ուելսցի Գարեթ Բեյլի եւ խորվաթ Լուկա Մոդրիչի տրանսֆերների ժամանակ «Ռեալը» «Տոտենհեմի» հետ պայմանավորվելուց առաջ բանակցել էր ֆուտբոլիստների հետ:

Ընթացիկ մրցաշրջանում Հարի Քեյնը 31 խաղում խփել է 30 գոլ:

Ֆոտո՝ twitter.com/SpursOfficial



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։