ՕԽ–2018. Հարավային Կորեայում ծածանվում է Հյուսիսային Կորեայի դրոշը, թեեւ պետությունները պատերազմի մեջ են (ֆոտո)
19:41 2 փետրվարի, 2018Փհենչհանի ձմեռային Օլիմպիական խաղերին մասնակցելու նպատակով Հարավային Կորեա ժամանած Հյուսիսային Կորեայի պատվիրակությունը օլիմպիական ավանում կախել է հսկայական պետական դրոշ, թեեւ երկու երկրները պատերազմի մեջ են, հաղորդում է yonhapnews–ը։ 1950–1953 թվականների կորեական պատերազմից հետո հաստատված զինադադարից հետո խաղաղության պայմանագիր պետությունները դեռ չեն կնքել։
Հարավային Կորեայի օրենսդրությունն արգելում է Կորեայի Ժողովրդական Դեմոկրատական Հանրապետության պետական դրոշի որեւէ ցուցադրում։ Օրենքի խախտումը նախատեսում է մինչեւ 7 տարվա ազատազրկում։ Սակայն Կորեայի Հանրապետության իշխանությունները այս անգամ բացառություն են արել՝ հղում անելով Միջազգային օլիմպիական կոմիտեի կանոններին, որոնց համաձայն Օլիմպիական խաղերի մասնակից բոլոր պետությունների դրոշները պետք է ներկայացված լինեն Խաղերում։ Հյուսիսային Կորեայի դրոշը կծածանվի միայն օլիմպիական մրցումների, պարգեւատրությունների ժամանակ եւ Խաղերի օրերին օլիմպիական ավանում։
Փհենչհանի ձմեռային Օլիմպիական խաղերը կանցկացվեն փետրվարի 9–ից 25–ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.