Լեւոն Արոնյանը՝ Gibraltar Masters-ի հաղթող
22:54 1 փետրվարի, 2018Հայկական շախմատի առաջատար Լեւոն Արոնյանը նվաճեց Gibraltar Masters մրցաշարի հաղթողի կոչումը: Եզրափակիչ թայ-բրեյքում հայ գրոսմայստերն ուժեղ էր ֆրանսիացի գրոսմայստեր Մաքսիմ Վաշյե-Լագրավից:
Թայ-բրեյքում կայծակնային խաղի չորս պարտիաներից առաջին երեքն ավարտվեցին ոչ ոքի, իսկ չորրորդում Լեւոն Արոնյանը սպիտակներով հաղթանակ տարավ 50-րդ քայլում:
10-րդ տուրից հետո Լեւոն Արոնյանը, Մաքսիմ Վաշյե-Լագրավը, ամերիկացի Հիկարու Նակամուրան եւ հունգարացի Ռիչարդ Ռապորտը վաստակել էին 7.5-ական միավոր: Այս չորս շախմատիստները պայքարը շարունակեցին թայ-բրեյքում: Կիսաեզրափակիչում Լեւոն Արոնյանը մրցեց Ռիչարդ Ռապորտի հետ եւ հաղթեց 2:0 հաշվով: Վաշյե-Լագրավն էլ 2.5:1.5 հաշվով պարտության մատնեց Նակամուրային:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։