Շախմատի Gibraltar Masters մրցաշարի վերջին տուրից առաջ Հայաստանի հավաքականի առաջատար Լեւոն Արոնյանը (2797) ամերիկացի Հիկարու Նակամուրայի (2781), հունգարացի Ռիչարդ Ռապորտի (2700), ֆրանսիացի Մաքսիմ Վաշյե-Լագրավի (2793) եւ ռուսաստանցի Դանիիլ Դուբովի (2694) հետ բաժանում է առաջինից 5-րդ տեղերը: Այս գրոսմայստերները 9 հնարավորից վաստակել են 7-ական միավոր: Միանձնյա առաջատար դառնալու հնարավորություն ուներ նախավերջին տուրի Հիկարու Նակամուրա - Ռիչարդ Ռապորտ դիմակայության հաղթողը, սակայն պարտիան ավարտվեց ոչ ոքի:
Հիշեցնենք, որ նախավերջին տուրում Լեւոն Արոնյանը սպիտակներով մրցել էր հնդիկ Ս.Պ. Սետուրամանի (2700) հետ եւ առավելության հասել 33 քայլում:
Փետրվարի 1-ին տեղի կունենա վերջին տուրը, որը կմեկնարկի Երեւանի ժամանակով 14:00-ին: Վերջին տուրից հետո միանձնյա հաղթող չլինելու դեպքում, հավասար միավոր ունեցող երկու կամ չորս շախմատիստների միջեւ կանցկացվի թայ-բրեյք:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։