Ձյուդոյի Հայաստանի ազգային հավաքականի 12 մարզիկներ գլխավոր մարզիչ Արմեն Նազարյանի ղեկավարությամբ մարզումային հավաք է անցկացնում Օլիմպավանում, հաղորդում է ՀԱՕԿ լրատվականը:
«Փետրվարին Ֆերդինանդ Կարապետյանը Փարիզում կմասնակցի «Մեծ սաղավարտ» միջազգային մրցաշարին: Հետո նա ու Արսեն Ղազարյանը Համբուրգում կմասնակցեն 10-օրյա միջազգային ուսումնամարզական հավաքի, այնուհետեւ Գերմանիայի Դյուսելդորֆ քաղաքում հանդես կգան «Գրան Պրի» մրցաշարում:
Հայաստանի առաջնությունում հաղթած եւ ազգային հավաքական ընդգրկված մյուս մարզիկները հանդես կգան համեմատաբար թույլ մրցաշարում՝ Ավստրիայում կայանալիք Եվրոպայի գավաթի խաղարկության փուլին»,- ասել է Արմեն Նազարյանը:
Այս մրցաշարերի արդյունքում, կորոշվի Հայաստանի հավաքականի կազմը, որը կմասնակցի Եվրոպայի առաջնությանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։