Ռոդչենկով. Պուտինը տեղյակ էր Ռուսաստանի դոպինգային ծրագրի մասին
21:41 30 հունվարի, 2018Մոսկվայի հակադոպինգային լաբորատորիայի նախկին ղեկավար, Համաշխարհային հակադոպինգային գործակալության իրազեկիչ (WADA) Գրիգորի Ռոդչենկովը հայտարարել է, որ Ռուսաստանն ունեցել է դոպինգային ծրագիր, որի հետ կապված բոլոր գործողությունները կատարվել են Ռուսաստանի նախագահ Վլադիմիր Պուտինի իմացությամբ:
«Բոլոր հրամանները գալիս էին երկրի ղեկավարից: Միայն նա կարող էր Անվտանգության դաշնային ծառայության առջեւ դնել այդպիսի խնդիրներ: Պուտինը տեղյակ էր Ռուսաստանի դոպինգային ծրագրի մասին, իսկ Մուտկոն զեկուցում էր նախագահին»,- Ռոդչենկովի խոսքը մեջբերում է gazeta.ru-ն:
Վլադիմիր Պուտինն արձագանքել է այս հայտարարությանը՝ նշելով, որ Ռոդչենկովին «պետք է բանտարկել», փոխանցում է tvc.ru-ն:
Հիշեցնենք, որ Ռոդչենկովը 2016 թվականին New York Times-ի հետ զրույցում հայտնել էր Ռուսաստանում դոպինգի պետական համակարգի գոյության մասին:
Միջազգային օլիմպիական կոմիտեի որոշմամբ, Ռուսաստանը հակադոպինգային կանոնադրության բազմաթիվ խախտումների համար զրկվել է առանձին պատվիրակությամբ 2018թ. ձմեռային Օլիմպիական խաղերին (փետրվարի 9-25-ը, Հարավային Կորեայի Փհենչհան քաղաքում) մասնակցելու իրավունքից:
Ֆոտո. tvc.ru
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.