«Մանչեսթեր Յունայթեդի» իսպանացի կիսապաշտպան Խուան Մատան մեկ անգամ եւս հաջողություն է մաղթել նախկին ակումբակից, «Արսենալ» տեղափոխված Հայաստանի հավաքականի կիսապաշտպան Հենրիխ Մխիթարյանին:
«Ցանկանում եմ մեկ անգամ եւս հաջողություն եւ լավագույնը մաղթել Հենրիխ Մխիթարյանին՝ ֆուտբոլիստի, որն ունի մեծ տաղանդ, եւ ընկերոջս՝ որն արժանի է լավագույնին: Վայելիր խաղը նոր ակումբում: Շուտով կհանդիպենք»,- Մատայի խոսքը մեջբերում է givemesport.com-ը:
Հիշեցնենք, որ 29-ամյա հայ ֆուտբոլիստի նորամուտն «Արսենալում» սպասվում է Անգլիայի առաջնության 25-րդ տուրում՝ «Սուոնսիի» դեմ խաղում, որը տեղի կունենա հունվարի 30-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։