«Մանչեսթեր Յունայթեդը» խնդիրներ չունեցավ, Սանչեսը նորամուտը նշեց գոլային փոխանցմամբ

01:47   27 հունվարի, 2018

Անգլիայի գավաթի խաղարկության 1/16 եզրափակիչի խաղում «Մանչեսթեր Յունայթեդը» մրցակցի խաղադաշտում հանդիպեց «Յովիլ Թաունի» հետ: Պորտուգալացի գլխավոր մարզիչ Ժոզե Մոուրինյոյի ծննդյան 55-րդ տարեդարձի օրը մանչեսթերյան թիմը հաղթեց 4:0 հաշվով եւ դուրս եկավ 1/8 եզրափակիչ:

Հաշիվը բացեց անգլիացի հարձակվող Մարկուս Ռեշֆորդը: Երկրորդ գոլը խփեց իսպանացի կիսապաշտպան Անդեր Էրերան, որն օգտագործեց մանչեսթերյան թիմում նորամուտը նշած չիլիացի հարձակվող Ալեքսիս Սանչեսի փոխանցումը: Նախավերջին րոպեին աչքի ընկավ անգլիացի կիսապաշտպան Ջեսի Լինգարդը, որը փոխարինել էր Սանչեսին: Ավելացված երրորդ րոպեին հաշիվը 4:0 դարձրեց բելգիացի հարձակվող Ռոմելու Լուկակուն:

Անգլիայի Գավաթ, 1/16

«Յովիլ Թաուն» - «Մանչեսթեր Յունայթեդ»՝ 0:4

Մարկուս Ռեշֆորդ, 41, Անդեր Էրերա, 61, Ջեսի Լինգարդ, 89, Ռոմելու Լուկակու, 90+3



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։