Արսեն Վենգերը դեռ չի որոշել, թե երբ է Հենրիխ Մխիթարյանը նորամուտը նշելու «Արսենալում»
15:02 26 հունվարի, 2018Լոնդոնի «Արսենալի» ֆրանսիացի գլխավոր մարզիչ Արսեն Վենգերը պատմել է, որ դեռ չի որոշել, թե երբ է «Մանչեսթեր Յունայթեդից» տեղափոխված Հենրիխ Մխիթարյանը նորամուտը նշելու լոնդոնյան ակումբի կազմում:
«Ես դեռ չեմ որոշել: Մենք այդ հարցով որոշում կկայացնենք երկուշաբթի օրը: Մխիթարյանը պատրաստ է խաղալ եւ երեւում է, որ նա հրաշալի ֆուտբոլիստ է: Ես նրան ավելի լավ ճանաչեցի 2-3 օրվա ընթացքում, քանի դեռ մենք պատրաստվում էինք եւ փորձում գտնել նրա օպտիմալ խաղային դիրքը: Մխիթարյանը կիսապաշտպանությունում կարող է խաղալ ցանկացած դիրքում, բայց ոչ որպես պաշտպանողական խաղացող»,- Արսեն Վենգերի խոսքը մեջբերում է Metro-ն:
Հիշեցնենք, որ «Արսենալը» հաջորդ խաղն անցկացնելու է հունվարի 30-ին՝ Պրեմյեր լիգայի 25-րդ տուրում մրցելով «Սուոնսիի» հետ:
Հունվարի 22-ին Մխիթարյանը երկարաժամկետ պայմանագիր էր կնքել «Արսենալի» հետ եւ ստացել է 7 համարի մարզաշապիկը:
Հայաստանի հավաքականի 29-ամյա կիսապաշտպանը 2016-ից խաղում էր «Մանչեսթեր Յունայթեդում», որի կազմում անցկացրել է 39 հանդիպում եւ դարձել 5 գոլի հեղինակ: Կարիերայի ընթացքում Մխիթարյանը հանդես է եկել նաեւ Երեւանի «Փյունիկում» (2006-2009), Դոնեցկի «Մետալուրգում» (2009-2010), Դոնեցկի «Շախտյորում» (2010-2013) եւ Դորտմունդի «Բորուսիայում» (2013-2016):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.