Ֆուտբոլի Հայաստանի ազգային հավաքականի նախկին կիսապաշտպան Սամվել Մելքոնյանն ազատ գործակալի կարգավիճակով տեղափոխվել է Երեւանի «Ուլիս»: Այդ մասին 28-ամյա ֆուտբոլիստը հայտնեց NEWS.am Sport-ի թղթակցի հետ զրույցում։
Կիսապաշտպանի պայմանագիրը Հայաստանի չեմպիոնի հետ նախատեսված է մինչեւ ընթացիկ մրցաշրջանի ավարտը:
Ֆուտբոլիստը հայտնեց նաեւ, որ է «Ուլիս» տեղափոխվելու տարբերակը լավագույնն էր, բացի այդ, նա ցանկանում է խաղային պրակտիկա ձեռք բերել:
Հիշեցնենք, որ Մելքոնյանը վերջերս էր խզել պայմանագիրը բուլղարական «Չեռնոմորեցի» հետ: Նա 2011 թվականին Երեւանի «Միկայից» էր տեղափոխվել «Չեռնոմորեց»։ Հայաստանի ազգային հավաքականի կազմում Մելքոնյանը մասնակցել է 29 հանդիպան եւ դարձել է վեց գոլի հեղինակ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։