Շախմատի Հայաստանի չեմպիոնները պարգեւատրվեցին

20:03   23 հունվարի, 2018

Երեւանի Տիգրան Պետրոսյանի անվան շախմատի տանը հունվարի 23-ին կայացել է շախմատի Հայաստանի առաջնությունների պարգեւատրումն ու փակման արարողությունը: Չեմպիոններին պարգեւատրեց Հայաստանի շախմատի ֆեդերացիայի փոխնախագահ Սմբատ Լպուտյանը, փոխանցում է NEWS.am Sport-ի թղթակիցը:

Հիշեցնենք, որ շախմատի Հայաստանի 78-րդ առաջնությունում չեմպիոնի կոչումը նվաճել էր 17-ամյա գրոսմայստեր Հայկ Մարտիրոսյանը, որը 11 հնարավորից վաստակել էր 7 միավոր եւ դարձել նաեւ Հայաստանի ազգային հավաքականի անդամ: Վերջին տուրում Հայկ Մարտիրոսյանը ոչ ոքի խաղաց Ռոբերտ Հովհաննիսյանի հետ, որը կես միավոր հետ մնաց չեմպիոնից՝ գրավելով երկրորդ տեղը: Բրոնզե մեդալակիր դարձավ Արման Փաշիկյանը՝ 6 միավոր:

Կանանց Հայաստանի 73-րդ առաջնության չեմպիոնի տիտղոսը նվաճել էր Մարիա Կուրսովան, որը 9 տուրերում վաստակել է 7.5 միավոր: Երկրորդ տեղը գրաված Սիրանուշ Ղուկասյանը հավաքել է 6 միավոր, իսկ Լիլիթ Գալոյանը եւ Աննա Սարգսյանը 5-ական միավորով բաժանել են 3-4-րդ տեղերը: Լրացուցիչ ցուցանիշների հաշվարկից հետո բրոնզե մեդալը բաժին է հասել Լիլիթ Գալոյանին:

Հայաստանի առաջնության վերջին օրը վիճարկվել է նաեւ արագ շախմատի Հայաստանի չեմպիոնությունը: Արագ շախմատում առաջատարը երիտասարդների աշխարհի փոխչեմպիոն Մանուէլ Պետրոսյանն է:

Լուսինե Շահբազյան



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։