Երեւանի «Փյունիկի» 22-ամյա կիսապաշտպան Պետրոս Ավետիսյանը փորձաշրջան է անցնում Թուրքիայում հավաք անցկացնող ուկրաինական «Ալեքսանդրիայի» կազմում, հայտնում է ակումբի կայքը:
Հունվարի 22-ին Հայաստանի երիտասարդական հավաքականի ավագն ուկրաինական ակումբի կազմում մասնակցել է ղազախական «Ժետիսուի» դեմ ստուգողական հանդիպման առաջին խաղակեսին: Այդ խաղում «Ալեքսանդրիան» պարտվել է 2:3 հաշվով:
Հիշեցնենք, որ այդ հանդիպմանը մասնակցել էր նաեւ Հայաստանի ազգային հավաքականի կիսապաշտպան Կամո Հովհաննիսյանը, որը փորձաշրջան է անցնում «Ժետիսուում»: Օրեր առաջ Կամո Հովհաննիսյանն պայմանագիր էր կնքել «Ալաշկերտի» հետ:
«Փյունիկը» հունվարի 23-ին մեկնել է թուրքական Ալանիա, որտեղ մինչեւ փետրվարի 4-ը կանցկացնի հավաք ու 3 ստուգողական խաղ: Հունվարի 25-ին երեւանյան ակումբի մրցակիցը կլինի հենց «Ալեքսանդրիան»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։