«Արսենալում» հույս ունեն, որ Հայաստանի հավաքականի կիսապաշտպան Հենրիխ Մխիթարյանի տրանսֆերը «Մանչեսթեր Յունայթեդից» եւ Դորտմունդի «Բորուսիայից» գաբոնցի հարձակվող Պյեր-Էմերիկ Օբամեյանգի սպասվող տեղափոխությունը «Արսենալ» Մեսութ Օզիլին կհամոզեն չհեռանալ լոնդոնյան ակումբից, գրում է Evening Standard-ը:
Գերմանիայի հավաքականի կիսապաշտպանը դեռ չի երկարաձգել պայմանագիրը, որն ավարտվում է այս ամռանը: Օզիլի ծառայություններով հետաքրքրված է «Մանչեսթեր Յունայթեդը», որի պորտուգալացի գլխավոր մարզիչ Ժոզե Մոուրինյոն Օզիլի հետ աշխատել է Մադրիդի «Ռեալում»:
«Արսենալի» ֆրանսիացի գլխավոր մարզիչ Արսեն Վենգերը կանխատեսել էր, որ Օզիլն ու Մխիթարյանը կարող են հաջող համագործակցել իր խաղային դասավորություններում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։