«Լիվերպուլի» սենսացիոն պարտությունը

Անգլիայի առաջնության անցած տուրում Պրեմյեր լիգայի առաջատար «Մանչեսթեր Սիթիին» 4:3 հաշվով պարտության մատնած «Լիվերպուլը» 24-րդ տուրում հյուրընկալվեց հետնապահ «Սուոնսիին» եւ պարտություն կրեց նվազագույն հաշվով: Ուելսի թիմը հաղթեց 40-րդ րոպեին անգլիացի պաշտպան Ալֆի Մոուսոնի խփած գոլի շնորհիվ:

«Լիվերպուլը» 47 միավորով չորրորդ տեղում է՝ 3 միավոր զիջելով երրորդ տեղում ընթացող «Չելսիին» եւ 2 միավորի առավելություն ունենալով 5-րդ տեղում գտնվող «Տոտենհեմի» նկատմամբ: «Սուոնսին» 20 միավորով վերջինն է:

Անգլիայի առաջնություն, 24-րդ տուր

«Սուոնսի» - «Լիվերպուլ»՝ 1:0

Ալֆի Մոուսոն, 40