Շախմատի Հայաստանի չեմպիոնը հայտնի կդառնա վերջին տուրում
12:38 22 հունվարի, 2018Շախմատի Հայաստանի առաջնության հաղթողը հայտնի կդառնա հունվարի 22-ին կայանալիք վերջին` 11-րդ տուրի արդյունքում:
10-րդ տուրից հետո միանձնյա առաջատարն է Հայկ Մարտիրոսյանը, որն ունի 6.5 միավոր: Երկրորդ տեղում գտնվող Ռոբերտ Հովհաննիսյանը հավաքել է 6 միավոր, իսկ լավագույն եռյակը եզրափակող Արման Փաշիկյանը՝ 5.5:
Վերջին տուրում Հայկ Մարտիրոսյանը սպիտակներով կխաղա Ռոբերտ Հովհաննիսյանի հետ:
Հայաստանի առաջնություն, 11-րդ տուր
Հայկ Մարտիրոսյան – Ռոբերտ Հովհաննիսյան
Սամվել Տեր-Սահակյան - Շանթ Սարգսյան
Տիգրան Լ. Պետրոսյան – Արման Փաշիկյան
Զավեն Անդրիասյան – Տիգրան Հարությունյան
Հովհաննես Գաբուզյան – Կարեն Գրիգորյան
Կանանց Հայաստանի 73-րդ առաջնության չեմպիոնի տիտղոսը նվաճել է Մարիա Կուրսովան, որը 9 տուրերում վաստակել է 7.5 միավոր: Երկրորդ տեղը գրաված Սիրանուշ Ղուկասյանը հավաքել է 6 միավոր, իսկ Լիլիթ Գալոյանը եւ Աննա Սարգսյանը 5-ական միավորով բաժանել են 3-4-րդ տեղերը: Լրացուցիչ ցուցանիշների հաշվարկից հետո բրոնզե մեդալը բաժին է հասել Լիլիթ Գալոյանին:
Լուսանկարում՝ Հայկ Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.