Հայտնի են «Մանչեսթեր Յունայթեդի» եւ Լոնդոնի «Արսենալի» մեկնարկային կազմերը Անգլիայի առաջնության 24-րդ տուրի խաղերում: «Մանչեսթեր Յունայթեդը» կհյուրընկալվի «Բարնլիին», «Արսենալը» կընդունի «Քրիսթալ Փելասին»: Հանդիպումները կմեկնարկեն Երեւանի ժամանակով 19:00-ին:
Հայաստանի հավաքականի կիսապաշտպան Հենրիխ Մխիթարյանը բացակայում է մանչեսթերյան թիմի հայտացուցակից, չիլիացի հարձակվող Ալեքսիս Սանչեսը՝ լոնդոնյան թիմի: Սպասվում է, որ շուտով ակումբները կփոխանակեն այս ֆուտբոլիստիներին:
«Մանչեսթեր Յունայթեդ». Դե Խեա, Վալենսիա, Սմոլինգ, Ջոնս, Յանգ, Մատիչ, Պոգբա, Մատա, Լինգարդ, Մարտիալ, Լուկակու:
«Արսենալ». Չեխ, Բելյերին, Մուստաֆի, Կոսելնի, Մոնրեալ, Էլնենի, Ուիլշիր, Ջակա, Օզիլ, Իվոբի, Լյակազեթ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։